Jen paĝoj por 7- kaj 107-jaruloj, kiuj ankoraŭ
kapablas
rigardi per la okuloj de infano kaj miri pri la mondo.
Sekciestro estas la ĉarma 9-jara fraŭlineto
Elizabet SIMEONOVA
(por geamikoj simple "Eli") el Sofio, kiu diligente
kaj sindediĉe kolektas legaĵojn, ilustras, elpensas konkurs-temojn,
serĉas kunlaboremulojn. Ŝi jam kolektis tiel multajn publikindaĵojn,
ke certe "AmUzE" devos plimultigi siajn paĝojn
aŭ ekeldoni apartajn kajerojn.
Bonvolu kuraĝigi per leteroj kaj per kontribuaĵoj
nian junan
help-redaktorinon, kiu sendas al vi multajn kisojn
kaj varmajn (ja somerajn) salutegojn!
  |
En tiu ĉi numero ni aperigas kelkajn ŝercojn kaj ilustraĵojn.
***
- Petro, vekiĝu! Ĉu vi aŭdas la grincadon - tio estas muso!
- Nu, kaj kion vi volas de mi? Ĉu mi oleumu ĝin???
***
La domo de korpogardisto kaj modistino forbrulis.
La edzino ekploris:
- Ve! Miaj vestaĵoj! Miaj juveloj!
Ankaŭ la korpogardisto eklamentis:
- Ve! Miaj libroj!
La edzino viŝis siajn larmojn kaj diris mire:
- Vi ja havas nur tri bildstriojn!!!
Kaj la korpogardisto respondis:
- Jes... Sed la duan kaj la trian mi ankoraŭ ne kolorigis!
(Noto: en Bulgario korpogardistoj estas fi-famaj pro sia stulteco)
***
(1)
Ebriulo eniris drinkejon kaj mendis:
- Bufedisto, unu drinkaĵon al mi, unu al vi kaj po unu al ĉiuj!
La bufedisto disdonis la drinkaĵojn. Poste li diris:
- Nun pagu!
La ebriulo respondis:
- Mi havas eĉ ne unu moneron!
La bufedisto batis kaj elĵetis lin el la drinkejo.
(2)
La sekvan vesperon la ebriulo denove alvenis kaj mendis:
- Unu drinkaĵon al mi, unu al vi kaj po unu al ĉiuj!
La bufedisto pensis, ke la ulo ĉi-foje havas monon, kaj disdonis la drinkaĵojn. Poste li diris:
- Nun pagu!
La ebriulo denove respondis:
- Mi havas eĉ ne unu moneron!
Kaj la bufedisto denove batis kaj elĵetis lin.
(3)
La sekvan vesperon la ebriulo alvenis kaj mendis:
- Unu drinkaĵon al mi kaj po unu al ĉiuj!
La bufedisto scivolemis:
- Kaj al mi?
- Al vi - ne, ĉar kiam vi drinkas, vi iĝas batema!
El "AmUzE" 2-3/99, p. 18-20
GSM: +359 87 62-74-26